2024 ԵՎՐԱՏԵՍԻԼ ԵՐԳԻ ՄԻՋԱԶԳԱՅԻՆ ՄՐՑՈՒՅԹԻ ՀԵՌՈՒՍՏԱՏԵՍԱՅԻՆ ՔՎԵԱՐԿՈՒԹՅԱՆ ԳԱՂՏՆԻՈՒԹՅԱՆ ՄԱՍԻՆ ԾԱՆՈՒՑՈՒՄ:

Անձնական տվյալների ի՞նչ կատեգորիաներ են մշակվում:

Մենք կմշակենք միայն այն անձնական տվյալները, որոնք մենք ստանում ենք, երբ դուք քվեարկում եք զանգի կամ SMS հաղորդագրություն ուղարկելու միջոցով (ուղղված ուղղակիորեն կամ ESC հավելվածի միջոցով)՝ օգտագործելով ձեր ֆիքսված կամ բջջային կապի  օպերատորի կամ վճարահաշվարկային համակարգերի  օպերատորների կողմից տրամադրված կապերը: Դա անելիս մենք, կախված Ձեր ծագման երկրից, կհավաքենք Ձեզանից տվյալների հետևյալ կատեգորիաները, եթե կիրառելի է. Ձեր բջջային հեռախոսահամարը (MSISDN - Բջջային կայանի ներառված ծառայությունների թվային ցանցի համարը), կամ ֆիքսված հեռախոսահամարը (CLI – զանգահարողի հեռախոսագծի նույնականացում) , հեռուստաքվեարկությանը Ձեր մասնակցության  ամսաթիվը և ժամը, այն երգի համարը, որի համար քվեարկել եք, Ձեր ֆիքսված կամ բջջային ցանցի մատակարարի անունը,  ցանցի օպերատորի հետ ձեր ունեցած պայմանագրի տեսակը (կանխավճարային, հետվճարային), ընտրված վճարման եղանակը և ծագումը: 

_________________________________________________

Որո՞նք են մշակման նպատակները, և ի՞նչ իրավական հիմքեր կան դրանց համար։

Մենք մշակում ենք Ձեր անձնական տվյալները՝ ելնելով մեր օրինական շահերից.

• Եվրատեսիլ երգի միջազգային մրցույթի  վավեր և պաշտոնական արդյունքների հաշվարկը և ստացումը` հանդիսատեսի (այդ թվում՝ Ձեր) ձայների հիման վրա՝ Եվրատեսիլում մասնակցած երգերի վարկանիշը և հաղթողին որոշող պաշտոնական արդյունքներ ստանալու համար,

 Հեռուստաքվեարկությանը մասնակցելու համար Դուք օգտագործում եք հեռահաղորդակցական ծառայություն, որին  աջակցում է Ձեր ազգային հեռահաղորդակցական օպերատորը և/կամ ագրեգատորը, որը կարող է Ձեր անձնական տվյալների մի մասը կամ ամբողջը փոխանցել Ընկերությանը, որպեսզի հնարավոր լինի հաշվարկել լսարանի վավեր արդյունքը: Ընկերության ներսում Ձեր անձնական տվյալները հասանելի կլինեն այն ստորաբաժանումներին, որոնք դրա կարիքն ունեն Ընկերության պայմանագրային և իրավական պարտավորությունները կատարելու համար: Ծառայություններ մատուցողները և Ընկերության փոխանորդ գործակալները կարող են նաև ստանալ անձնական տվյալներ նման նպատակների համար, պայմանով, որ նրանք պարտավորվում են պահպանել, մասնավորապես, գաղտնիությունն ու ամբողջականությունը: Նման ստացողները կարող են լինել, օրինակ, ՏՏ ծառայություններ կամ հեռահաղորդակցության օպերատորներ: Ընկերությունից դուրս ստացողներին անձնական տվյալների փոխանցում տեղի չի ունենա: Թեև EBU-ն  Մասնակից հեռարձակողների և Ընկերության հետ Հեռուստաքվեարկության  համատեղ վերահսկիչ է հանդիսանում, Ընկերությունը չի փոխանցի Ձեր անձնական տվյալները EBU-ին և մասնակից հեռարձակողներին, որոնք Ընկերությունից կստանան միայն անանուն արդյունքներ՝ վերը թվարկված նպատակների համար: Կհրապարակվեն միայն համախմբված և անանուն արդյունքները: 

 _________________________________________________

Անձնական տվյալները կփոխանցվե՞ն երրորդ երկրի կամ միջազգային կազմակերպության:

 Գերմանիայից դուրս տրված ձայները կփոխանցվեն Գերմանիայում գտնվող Ընկերությանը՝ դրանք մշակելու համար, և հետագա փոխանցում չի իրականացվի: Ընկերությունը չի փոխանցի անձնական տվյալները Եվրոպական տնտեսական տարածքից դուրս գտնվող երրորդ երկրներին, Շվեյցարիային կամ Միացյալ Թագավորությանը:

_________________________________________________

Որքա՞ն ժամանակ կպահվեն Ձեր անձնական տվյալները:

 Ընկերությունը կմշակի և կպահպանի Ձեր անձնական տվյալները այնքան ժամանակ, որքան պահանջվում է մեր պայմանագրային և իրավական պարտավորությունները կատարելու համար: Երբ անձնական տվյալներն այլևս չեն պահանջվի պայմանագրային կամ իրավական պարտավորություններ կատարելու համար, դրանք պարբերաբար կջնջվեն, եթե դրանց հետագա մշակումը (ֆիքսված ժամկետով) չպահանջվի հետևյալ նպատակների համար. առևտրային և հարկային օրենսդրության հետ կապված պահպանման պարտավորությունների կատարումը; - Գերմանիայի Առևտրային օրենսգիրքը (HGB), Հարկային օրենսգիրքը (AO), Փողերի լվացման մասին ակտը (GwG): Այս օրենքները, ընդհանուր առմամբ, սահմանում են արխիվացման և փաստաթղթերի պահպանման ժամկետները՝ երկուսից (2) մինչև տասը (10) տարի: 

_________________________________________________

Որո՞նք են ձեր իրավունքները:

Դուք իրավունք ունեք մուտք գործելու Ձեր անձնական տվյալների տիրույթ  և պահանջելու, որ դրանք ուղղվեն անճշտության դեպքում կամ ջնջվեն այն դեպքում, երբ դրանք այլևս անհրաժեշտ չեն այն նպատակների համար, որոնց համար դրանք հավաքվել և մշակվել են: Որոշ դեպքերում Դուք իրավունք ունեք պահանջելու սահմանափակել մշակումը, տվյալների տեղափոխելիությունը կամ դեմ լինել մշակմանը: Ցանկացած համաձայնություն, որը դուք տալիս եք մեր կողմից ձեր անձնական տվյալների մշակմանը, կարող է ցանկացած ժամանակ հետ կանչվել: Խնդրում ենք նկատի ունենալ, որ համաձայնության չեղարկումը կկիրառվի միայն հետագայի համար: Այն չի ազդի  մինչև համաձայնության չեղարկումը տեղի ունեցած տվյալների մշակման վրա։   Դուք կարող եք օգտվել ձեր իրավունքներից՝ ուղարկելով ձեր հարցումը  [email protected]  էլեկտրոնային հասցեին: Եթե կարծում եք, որ Ձեր անձնական տվյալների մշակումը առաջացրել է  տվյալների պաշտպանության մասին օրենքի(ներ)ի խախտում, Դուք իրավունք ունեք բողոք ներկայացնել վերահսկիչ մարմնին, մասնավորապես՝ Եվրամիության անդամ պետությունում, որտեղ գտնվում է Ձեր մշտական  բնակության վայրը, ձեր աշխատավայրը  կամ այն վայրը, որտեղ տեղի է ունեցել խախտումը:  

________________________________________________

Ինչպե՞ս կարող եք կապվել մեր տվյալների պաշտպանության պատասխանատուների հետ:

Եթե ունեք հարցեր կամ մտահոգություններ սույն Գաղտնիության ծանուցման վերաբերյալ, կարող եք կապվել՝ Ընկերության տվյալների պաշտպանության պատասխանատուի հետ [email protected] էլեկտրոնային հասցեով:
____________________________________

Ուժի մեջ մտնելու ամսաթիվը և փոփոխությունները:

Այս գաղտնիության ծանուցումը ուժի մեջ է մտնում 2024 թվականի ապրիլի 19-ից: Մենք իրավունք ենք վերապահում մեր հայեցողությամբ ցանկացած պահի փոփոխել, վերաձևակերպել, ավելացնել կամ հեռացնել սույն Գաղտնիության ծանուցման որոշ բաժիններ:

 _________________________________________________

 ESC 2024-ին մասնակցող հեռարձակողների ցուցակ.